Bu gün UEFA Çempionlar Liqasında qrup mərhələsinə start veriləcək. İlk olaraq E, F, G və H qruplarında I turun qarşılaşmaları baş tutacaq. Günün maraqla gözlənilən oyunu Fransada keçiriləcək. PSJ doğma azarkeşlər önündə Almaniyanın "Borussiya" Dortmund klubunu qəbul edəcək. Son çempion "Mançester Siti" İngiltərədə Serbiyanın "Srvena Zvezda" komandasını sınağa çəkəcək. Oyunlar Bakı vaxtı ilə saat 20:45 və 23:00-da başlayacaq.