İranda etiraz aksiyalarında öldürülənlərin sayı 419-a çatıb, onların da 60 nəfəri azyaşlıdır. Bu arada, SEPAH-ın Ərdəbil şəhərinə ordu yerləşdirməsiylə bağlı görüntülər yayılıb. Cavanrud şəhərində isə etirazçılar mülki geyimli repressiv muzdlunun evini yandırıblar, özünü də cəzalandırıblar. İranlı məşhur aktrisalar Henqame Qaziani və Kataion Riahi həbs ediliblər. Onlar ölkənin ruhani idarəsinə qarşı etirazçılara dəstəklərini göstərərək başı açıq şəkildə ictimaiyyət qarşısına çıxdıqlarına görə saxlanılıblar.