Ekologiya və təbii sərvətlər nazirinin müavini Umayra Tağıyeva dağlıq və çay kənarlarında yaşayan əhaliyə çağırış edib. Nazir müavini vurğulayıb ki, hazırda Gəncəçay-Alaxançallı məntəqəsindən, yəni Daşkəsən rayonu ərazisindən sel keçir. Axının istiqamətinin hər an dəyişə biləcəyinin heç kimə məlum olmadığını söyləyən Tağıyeva qeyd edib ki, sel hadisəsi başlayan kimi dərhal həmin ərazi tərk edilməlidir. Fövqəladə Hallar Nazirliyi də hava şəraiti ilə bağlı əhaliyə müraciət edərək, müvafiq təhlükəsizlik qaydalarına riayət etməyə çağırır.

Nərgiz Camalzadə