Qida Təhlükəsizliyi Agentliyi Gəncədə fəaliyyət göstərən aptekdə nöqsanlar aşkarlanıb. Gülüstan qəsəbəsində fəaliyyət göstərən apteklərdən birində çalışan işçilərin məcburi tibbi müayinədən keçmədiyi, həmçinin satışı həyata keçirilən uşaq qidalarının etiketində digər dillərə yanaşı, Azərbaycan dilində məlumatların olmadığı məlum olub. Faktla bağlı sahibkar barəsində inzibati qaydada tədbir görülüb, uyğunsuzluqların aradan qaldırılmasına dair icrası məcburi göstərişlər verilib.