Gəncədə güclü küləklə müşahidə olunan leysan xarakterli yağışın yağması nəticəsində 20-yə yaxın iri, orta və xırda gövdəli ağac aşıb, şəhərin mərkəzi hissəsindəki yol kənarlarında olan məhəccərlər zərər görüb. Bununla yanaşı bir neçə fərdi yaşayış evi və qeyri-yaşayış obyektlərinə, habelə avtomobillərə zərər dəyib. Hazırda təbiət hadisəsinin fəsadlarının aradan qaldırılması istiqamətində işlər aparılır. Fəsadlar günün ikinci yarısınadək tam aradan qaldırılacaq.

Nərgiz Camalzadə