Azərbaycan Ordusunun Qarabağda keçirdiyi lokal xarakterli antiterror tədbirləri ilə Xankəndi şəhərində qanunsuz yerləşdirilən, Ermənistan silahlı qüvvələrinin birləşmələrinə məxsus 2 ədəd “Tor” zenit-raket kompleksi məhv edilib. Eləcə də Kərkicahan-Xəlfəli yolunda Ermənistan silahlı qüvvələrinə məxsus postlar sıradan çıxarılıb. Ağdərə istiqamətində isə Aşağı Otaraq kəndində düşmənin “Mortira” elektron döyüş məntəqəsi məhv edilib. Ermənistan silahlı qüvvələrinin Xankəndi-Xocalı yolunun yaxınlığında yerləşən 4-cü atıcı briqadasına da zərbələr endirilib. Xocalı rayonu və Qırmızı Bazar istiqamətində Ermənistan silahlı qüvvələrinin birləşmələrinin döyüş mövqeləri, uzunmüddətli atəş nöqtələri, döyüş vasitələri və hərbi təyinatlı obyektləri bölmələrimizin sərrast atəşi nəticəsində məhv edilir.

Lalə Nəsib