Xarici işlər naziri Ceyhun Bayramov Nyu Yorkda BMT Baş Assambleyasının 77-ci sessiyasının yüksək səviyyəli həftəsi çərçivəsində İslam Əməkdaşlıq Təşkilatının Cammu və Kəşmir üzrə Təmas Qrupunun nazirlər görüşündə iştirak edib. Nazir tədbirdə çıxış edərək Azərbaycanın Cammu və Kəşmir məsələsinin beynəlxalq hüququn norma və prinsiplərinə uyğun, sülh yolu ilə həllini dəstəklədiyini bildirib. Bundna başqa, Qoşulmama Hərəkatının nazirlər görüşü də keçirilib. Ceyhun Bayramovun sədrliyi ilə keçirilmiş iclasda, işğaldan azad edilmiş ərazilərimizdə aparılan yenidənqurma işləri və sülh quruculuğu təşəbbüsləri barədə iştirakçıları məlumatlandırıb. Ermənistan silahlı qüvvələri tərəfindən 12 sentyabrda Azərbaycana qarşı törədilən növbəti təxribatların bölgədə sülh və quruculuq səylərinə mane olduğu bildirilib. Sonda iclasın Siyasi Bəyannaməsi qəbul edilib.