"Hazırda Ağalı kəndində 90-na yaxın ev təsərrüfatı yüksəksürətli internetdən istifadə edir. Bundan əlavə digər abunəçilərin də istifadə imkanları yaradılıb". Rəqəmsal inkişaf və nəqliyyat nazirinin müşaviri Rəşad Bayramov deyib ki, Ağalıda 16 min metrlik abunəçi, 13 min metr isə magistral kabellər çəkilib. Gələcəkdə Ağdam və Füzuli rayonlarında şəhərdaxili kommunikasiya xətlərinin də bərpası üçün sxemlər, planlar hazırlanır. Nazirlik rəsmisinin sözlərinə görə, Qarabağda 110 km-ə qədər fiber-optik kabellərin çəkilməsi planlaşdırılır ki, bu da bütövlükdə Qarabağı əhatə edəcək.