Zakir Bağırovun yubiley gecəsi keçiriləcək

Zakir Bağırovun yubiley gecəsi keçiriləcək

Bəstəkar Zakir Bağırovun 100 illiyinə həsr olunmuş yubiley gecəsi keçiriləcək.

Əməkdar incəsənət xadimi Z.Bağırov musiqinin müxtəlif janrlarına müraciət edib, bir sıra musiqi əsərləri yazıb. O, opera, musiqili komediya, uşaq baleti, fortepiano, tar, kamança ilə simfonik orkestr üçün konsertlər, xalq çalğı alətləri orkestri üçün süitalar, kamera-instrumental əsərlər, mahnı və romanslar, dram tamaşalarına yazılmış musiqinin müəllifidir.

Z.Bağırov həmçinin "Azərbaycan xalq rəqsləri" məcmuəsinin müəlliflərindən biridir.

Bəstəkarın yubileyi dekabrın 23-də Azərbaycan Dövlət Filarmoniyasında baş tutacaq.

Ayşən Zeynallı