Azərbaycan Dəmir Yolları QSC tərəfindən verilən məlumata görə, uzunluğu 30 kilometr olan Yevlax–Bərdə dəmir yolu xəttində may ayında başlanılan söküntü işləri artıq yekunlaşıb.Layihə çərçivəsində ümumilikdə 174 mühəndis qurğusunun inşası nəzərdə tutulur. Hazırda xətt üzrə yol yatağının tikintisi işləri davam etdirilir.Sözügedən dəmir yolu xəttində 1967-ci ildən etibarən əsaslı təmir aparılmadığından qatarların hərəkət sürəti 10–60 km/saat arasında dəyişirdi. Yenidənqurma işləri başa çatdıqdan sonra isə hərəkət sürətinin artırılması, daha dayanıqlı və fasiləsiz dəmir yolu əlaqəsinin təmin edilməsi planlaşdırılır.Layihənin tamamlanması ilə Yevlaxdan Xankəndi şəhərinədək müasir dəmir yolu infrastrukturu formalaşacaq.