“Böyük Dəbilqə” turnirinin ilk günündə 3 cüdoçumuz mübarizəyə qoşulacaq
Bu gün Türkiyənin Antalya şəhərində cüdo üzrə “Böyük Dəbilqə” turnirinə start veriləcək. İlk gündə Azərbaycanın 3 cüdoçusu mübarizəyə qoşulacaq. Əhməd Yusifov 1/16 finalda türkiyəli Salih Yıldızla görüşəcək. 1/32 finaldan Ruslan Paşayev Türkiyənin digər təmsilçisi Muhammed Dəmirəllə, Rəşad Yelkiyev isə qırğızıstanlı Baibol Salamat Uulu ilə münasibətlərinə aydınlıq gətirəcək. Martın 31-dək davam edəcək turnirə 9 cüdoçumuz yollanıb.
Vüsalə Cənnətova