"Futbolçular ilk oyundan sonra paltardəyişmə otağında dedilər ki, hələ heç nə bitməyib, vəziyyəti xeyrimizə dəyişəcəyik". Bunu “Braqa” klubunun baş məşqçisi Artur Jorje “Qarabağ”la cavab oyunu öncəsi mətbuat konfransında deyib. 52 yaşlı mütəxəssis Azərbaycan klubu barədə xoş fikirlər səsləndirsə də, səfərə qələbə dalınca gəldiklərini bildirib: “Çətin olsa da, durumu xeyrimizə dəyişməyə çalışacağıq. Fikrimcə, bu, mümkünsüz deyil. "Braqa"nın hər bir oyunçusu qələbə üçün vuruşmalıdır", - deyə Jorje qeyd edib. Tofiq Bəhramov adına Respublika stadionunda bu gün keçiriləcək “Qarabağ” – “Braqa” oyunu saat 21:45-də başlayacaq. Komandaların Portuqaliyadakı ilk duelində Azərbaycan çempionu 4:2 hesablı qələbə qazanıb.

Vüsalə Cənnətova