Şərqi Zəngəzur iqtisadi rayonunda yol infrastrukturunun yenidən qurulması davam etdirilir. Bunu Avtomobil Yolları Dövlət Agentliyindən bildirilib. Bu çərçivədə həyata keçirilən layihələrdən biri də Toğanalı-Kəlbəcər-İstisu avtomobil yolunun inşasıdır. Ümumi uzunluğu 82 kilometr olan bu yol başlanğıcını Toğanalı kəndindən götürməklə, Kəlbəcər rayonunun İstisu qəsəbəsinə qədər davam edəcək. Yol boyu 5 tunelin tikintisi nəzərdə tutulub.

Vüsalə Cənnətova