Şəkinin Baş Göynük kəndində keçirilən toy məclisində zəhərlənmə baş verib. Qida zəhərlənməsi əlamətləri ilə 7 nəfər kənd sakini Rayon Mərkəzi Xəstəxanasına müraciət edib. Onlara lazımi tibbi yardım göstərilib və müvafiq nümunələr götürülüb. Həkim müdaxiləsindən sonra vəziyyətləri stabilləşən Baş Göynük kənd sakinləri ambulator müalicə almaq şərti ilə evə buraxılıblar. Faktla bağlı araşdırma aparılır.