Azərbaycan 2027-ci ilə qədər Avropaya qaz tədarükünü ikiqat artırmağı hədəfləyir və Avropa İttifaqı üzvləri gələcək qaz həcmlərinin necə paylanacağına özləri qərar verməlidirlər. Azərbaycanın iqtisadiyyat naziri Mikayıl Cabbarov Azərbaycanın daha bir neçə qaz yatağında hasilata başlamaqla ixracı artırmaq imkanlarının olduğunu bildirib. "Biz artıq həm xaricdə, həm də ölkə daxilində tərəfdaşlarımızla danışıqlar aparırıq", - deyən nazir onu da əlavə edib ki, Bakı "mümkün qədər" Bolqarıstanda qaz istehlakının əhatə dairəsini maksimum dərəcədə ödəmək üçün bütün variantları nəzərdən keçirir.