Zəngilan Beynəlxalq Hava Limanında sərhəd nəzarətinə hazırlıq görülür
Zəngilan Hava Limanında sərhəd nəzarətinin həyata keçirilməsinə hazırlıq tədbirləri görülür. Dövlət Sərhəd Xidmətinin rəisi general-polkovnik Elçin Quliyev Zəngilan, Qubadlı rayonlarından və Laçın rayonunun bir hissəsindən keçən Ermənistanla dövlət sərhədinin mühafizəsi və müdafiəsinin təşkilinə cavabdeh olan 19 yeni hərbi hissə kompleksi, 110 sərhəd-döyüş məntəqəsi, "Eyvazlı" və "Qazançı" dövlət sərhədindən buraxılış məntəqələrinin inşa olunduğunu, Füzuli Beynəlxalq Hava Limanında sərhəd nəzarətinin təşkil edildiyini də bildirib.