Zaqatalada fərdi yaşayış evində yanğın olub. Evdə kirayədə yaşayan nənə, 1980-cı il təvəllüdlü Elnarə Məhəmməd qızı Qurbanova və körpə nəvəsi, 2021-ci il təvəllüdlü Elay Famid qızı Dəmirova yanıq xəsarətləri alıb. Onlar Zaqatala Rayon Mərkəzi Xəstəxanasına yerləşdiriliblər. Nənə və nəvəsinə üzün, boyunun və yuxarı ətrafların 2-ci dərəcəli termiki yanıq xəsarəti diaqnozu qoyulub. Yanğın nəticəsində evin 18 kv/m-lik sahəsinin yanar konstruksiyaları və həmin hissədə olan ev əşyaları yanıb.