Keçmiş məcburi köçkünlərin bərpa edilən və yenidən qurulan Laçın rayonunun Zabux kəndinə növbəti köçü reallaşıb. Bakıda və Abşeronda məskunlaşan 13 ailədən ibarət 52 nəfər paytaxtın Qaradağ rayonundakı yaşayış kompleksindən yola düşüblər. Köç karvanına Bərdədən 6, Sumqayıtdan 3, Lənkəran, Mingəçevir və Ağcabədi rayonundan isə 1 ailə qoşulacaq. Ümumilikdə bu dəfə kəndə 25 ailə - 92 nəfər köçürülür. Beləliklə, bugünkü köç də nəzərə alınmaqla Laçın rayonunun Zabux kəndinə cəmi 146 ailə yəni 567 nəfər köçürülüb. Köçürülən ailələr Zabux kəndində yenidən tikilən evlərdə məskunlaşacaqlar.

Azad Mustafayev