Zəngəzur dəhlizinin keçəcəyi ərazilərdə görülən minatəmizləmə işləri açıqlanıb. ANAMA-dan bildirilib ki, qeyd edilən istiqamətlərdə bir sıra minatəmizləmə layihələri həyata keçirilib. Onlardan Horadiz-Ağbənd avtomobil yolu, Horadiz-Ağbənd dəmir yolu, Füzuli-Zəngilan avtomobil yolu, Zəngilan rayonunun Ağbənd kəndinin yenidən qurulması, "Mincivan - Ağbənd" qaz tənzimləyici məntəqənin və qaz kəmərinin xətti hissəsinin tikintisi ilə bağlı ərazinin təmizlənməsi və sair kimi layihələr icra edilib.