2021-06-16 10:10

Azərbaycanın yunan-Roma güləşçiləri Rumıniyanın paytaxtı Buxarestdə keçirilən U-17 Avropa çempionatında daha 4 medal qazanıb. Məhəmməd Qasımzadə 60 kq-da finalda gürcüstanlı rəqibinə tam üstünlüklə qalib gələrək Avropa çempionu olub. Vədat Qasımlı və Davud Məmmədov gümüş, Hüseyn Savadov isə bürünc medala sahib çıxıb. Beləliklə, milli komanda qitə birinciliyini 8 medalla başa vurub. Bunlardan 2-si qızıl, 5-i gümüş, 1-i isə bürünc medal olub. Bu göstərici ilə Azərbaycan yığması Avropa çempionu olub.

Fərid Mehdiyev