2021-02-25 10:04

ATƏT PA-nın Daimi Komitə iclası zamanı erməni parlamentarilərin təxribat cəhdinin qarşısı alınıb. Azərbaycan nümayəndə heyətinin rəhbəri Azay Quliyev ötən ilin noyabrında Azərbaycan ərazilərində saxlanılan 62 erməni terrorçusunu hərbi əsir kimi təqdim etməyə cəhd edənlərin iddialarına cavab verib: “İlk olaraq erməni həmkarlarıma bir sual ünvanlamaq istərdim: siz əbədi sülhün, yoxsa əbədi müharibənin tərəfindəsiniz? Biz, öz növbəmizdə sülhün tərəfdarlarıyıq", - deyən Quliyev qeyd edib ki, təxribat qrupunun bütün üzvləri Azərbaycan ərazisində cinayət əməlləri törətdiklərinə görə müvafiq qurumlar tərəfindən istintaq prosedurlarına cəlb olunublar.

Nərgiz camal