Yollarda hazırkı vəziyyət açıqlanıb
2021-01-14 12:00
Respublika yollarında hazırkı vəziyyət açıqlanıb. “ZƏFƏR” yolunun Xocavənd - Şuşaya qədər hissəsində, həmçinin Toğanalı-Kəlbəcər-İstisu yolunun Murovdağdan keçən hissəsində güclü qar yağır, hazırda yolun qardan təmizlənməsi istiqamətində müvafiq tədbirlər görülür. Şəmkir - Gədəbəy yolunda səhər saatlarında 5-6 sm qar yağıb, hazırda yağıntı yoxdur. Yol qardan təmizlənib, qum-duz səpilib. Gəncə - Daşkəsən - Xoşbulaq yolunda Daşkəsən ərazisinə güclü qar yağır, yola qum-duz səpilir. Yevlax - Gəncə - Qazax - Gürcüstanla dövlət sərhədi yolunda isə yağıntı yoxdur, hava küləklidir, yolda nəqliyyat vasitələrinin normal hərəkəti təmin olunub.
Vüsalə camal