İmişlinin Oruclu kəndində idarə etdiyi traktoru aşıran 54 yaşlı Əmirov Fərahim Əmir oğlu hadisə yerində ölüb.
Qaxın Kötüklü kəndində isə 73 yaşlı İosif Babacanaşvilininin idarə etdiyi “Toyota” markalı minik avtomobili Şəki rayon sakini Osman Rəsullunun idarə etdiyi “KİA” markalı avtomobillə toqquşub. Müxtəlif dərəcəli bədən xəsarətləri alan İ. Babacanaşvili Qax Rayon Mərkəzi Xəstəxanasına yerləşdirilib.
Göyçayda da yol nəqliyyat hadisəsi baş verib. "Hyundai" markalı minik avtomobili hərəkətdə olarkən idarəetmədən çıxıb və yol kənarındakı ət dükanına çırpılıb. Hadisə nəticəsində xəsarət alan sürücü, eləcə də digər üç sərnişinə tibbi yardım göstərilərək ambulator müalicə üçün evə buraxılıblar.

Azad Mustafayev