Yeni növ koronavirus daxili orqanları da sıradan çıxarır
2020-11-24 12:06
Yeni növ koronavirus daxili orqanları da sıradan çıxarır. Virus ilk növbədə ağciyərdə fəsadlar yaradır. Belə ki, ağciyərlərin yarıdan çoxu zədələnəndə çapıqlaşma baş verir. Çapıq izlərinə hətta COVID-19-a yoluxanların ürəyində də rast gəlinir. Ürək əzələlərinin zədələnməsi isə bir çox ritm pozuntularına, həyatı təhlükəli aritmiyalara səbəb ola bilər. Həkimlər iddia edirlər ki, xüsusi risk qrupuna aid olanlarda koronavirusun izləri daha dərin qalır. Bura şəkərli diabet, onkoloji, ürək çatışmazlığından əziyyət çəkənlər və hipertoniklər aiddir. Ona görə də virusa yoluxanların ümumi müayinədən keçməsi tövsiyə olunur.
Vüsalə Camal