Yanacaqdoldurma məntəqəsində baş verən partlayışda 2 nəfər yaralandı
2020-07-13 14:17
Gəncədə yanacaqdoldurma məntəqəsində yanğınla nəticələnən partlayış olub. Hadisə yerinə cəlb olunan yanğınsöndürənlər qısa zamanda yanğının yayılmasının qarşısını alıb və alov söndürülüb. Partlayışın yanacaqdoldurma aparatındakı nasazlıqdan baş verdiyi ehtimal olunur. Hadisə zamanı iki nəfər xəsarət alıb. Onlardan birinə ambulator yardım göstərilib, digəri isə xəstəxanaya aparılıb. Təhlükəsizlik məqsədilə bir müddət yanacaqdoldurma məntəqəsinin yerləşdiyi Dədə Qorqud və Müseyib Bağırov küçələrində nəqliyyat vasitələrinin hərəkətinə dayandırılıb.
Vüsalə Camal