2021-03-30 10:07

Novruz tətilindən sonra ilk dərs günündə ümumi təhsil müəssisələrinin 98.4 faizində tədris ənənəvi üsul ilə təşkil edilib. Bunu təhsil naziri Emin Əmrullayev feysbuk səhifəsində bildirib. O qeyd edib ki, şagird davamiyyəti 80 faizə qədərdir. Nazirin verdiyi məlumata əsasən, bu günədək yaşı 50-dən yuxarı olan müəllim və texniki heyətin 50 faizdən çoxu peyvənd olunub və proses davam edir. "Təhsilin ənənəvi formada davamlılığını qorumağımız üçün şəxsi gigiyena qaydalarına riayət etməyimiz ən vacib amildir" - deyə Emin Əmrullayev əlavə edib.

Vüsalə Camal