2020-10-27 10:07
İsrailin Azərbaycana dəstəyinə etiraz olaraq Los Ancelesdəki erməni lobbisi mitinqdə “Sizin Nasist Almaniyasından heç bir fərqiniz yoxdur” şüarını nümayiş etdirib. Bakı Şəhəri Dağ Yəhudiləri İcmasının rəhbəri Milix Yevdayev ABŞ-da nəşr edilən məqaləsində Ermənistanın nasist Almaniyası ilə əməkdaşlıq etmiş erməni general Qaregin Njdeni milli qəhrəman səviyyəsinə qaldırdığını, nasistlərə xidmət etmiş digər bir erməni general Drastamat Kanayanın adının da dövlət səviyyəsində əbədiləşdirildiyini bildirib. ABŞ-ın ən böyük yəhudi təşkilatlarından olan və 400 min insanı özündə birləşdirən Simon Vizental Mərkəzi Yevdayevin məqaləsini öz “Twitter” hesabından paylaşaraq, radikal erməni lobbisinin İsraili Nasist Almaniyası ilə eyniləşdirmək cəhdini iyrənc adlandırıb və Azərbaycanda xristian və yəhudilərin hüquqlarının qorunduğunu və İsraillə yaxşı münasibətlər qurulduğunu qeyd edib.
Fərid Mehdiyev