Xocavənd Polisi rayon ərazisində keçirdiyi tədbirlərlə işğaldan azad edilmiş ərazilərdəki tərk edilmiş hərbi mövqelərdən 3 avtomat, 1 pulemyot, 48 əl qumbarası, 1 mərmi və digər sursatlar götürülərək aidiyyəti üzrə təhvil verib. Baş Narkotiklərlə Mübarizə İdarəsinin əməkdaşları tərəfindən isə son 20 gündə ölkəyə qaçaqmalçılıq yolu ilə külli miqdarda narkotik maddələr gətirən, Azərbaycan ərazisindən tranzit kimi istifadə etməklə xaricə narkotik madələr göndərməyə çalışan, onlayn, eləcə də digər üsullarla narkotiklərin satışını təşkil edən transmilli mütəşəkkil dəstənin daha 49 nəfər üzvü saxlanılıb.