Xocavənddə polis 1 ədəd qumbaraatan, 24 ədəd əl qumbarası, müxtəlif çaplı mərmi və patronlar, eləcə də digər sursatlar aşkarlayaraq aidiyyəti üzrə təhvil verib.
Şəkidə isə yerli sakin, əvvəllər Rusiyada adam oğurluqları, eləcə də digər ağır cinayətlərə görə məhkum olunmuş 1984-cü il təvəllüdlü Ruslan Hacısəlimov saxlanılıb. Ondan “Makarov” markalı tapança, 5 ədəd patron və daraq götürülüb.
Əvvəllər məhkum olunmuş qardaşlar - Əli və Məhəmməd İsaqovlar da saxlanılıblar. Onların mağazadan 1300 manat pul, qəbiristanlıqdan dəmir məhəccərlər, avtomobillərdən pul kisəsi və akkumulyatorlar oğurladıqları müəyyən edilib. Hər üç şəxs barəsində həbs qətimkan tədbiri seçilib.

Vüsalə Cənnətova