Xarici İşlər Nazirliyinin təşkilatçılığı ilə Xocalı soyqırımının 31-ci ildönümünə həsr olunmuş anım tədbirində nazir Ceyhun Bayramov faciə ilə bağlı həqiqətlərin dünya ictimaiyyətinə çatdırılması istiqamətində Azərbaycan hökumətinin, “Xocalıya ədalət” beynəlxalq maarifləndirmə kampaniyasının, vətəndaş cəmiyyətinin və diasporumuzun aktiv fəaliyyətini qeyd edib. Ermənistan tərəfindən hərbi-siyasi təxribatların törədilməsinə baxmayaraq, Azərbaycanın regionda sülh və təhlükəsizliyin bərqərar edilməsinə hədəflənən sülh gündəliyinin irəli aparılmasında qərarlı olduğu qeyd olunub. Bu xüsusda, ədalətin bərpa olunması regionda sülh və normallaşma gündəliyinə öz müsbət töhfəsini verəcək.
Nərgiz Camalzadə