XİN Rusiyada yaşayan azərbaycanlılara müraciət edib
2020-04-20 10:03
Xarici İşlər Nazirliyi Rusiyada yaşayan azərbaycanlılara müraciət edib. Rusiyada müvəqqəti olan və ölkəmizə qayıtmaq istəyən vətəndaşlarımız evegedirem.info internet səhifəsində qeydiyyata düşməklə elektron növbə ardıcıllığına yazılacaq və beləliklə də onların Azərbaycana geri dönüşü prosesinə köməklik göstəriləcək. Qeydiyyat 23 aprel Moskva vaxtı ilə saat 00.00-dək davam edəcək. Vətəndaşların sərhəd keçid məntəqələrinə gedib gözləmələrinə heç bir lüzum yoxdur və qeyd olunan internet səhifəsində qeydiyyatdan keçən vətəndaşlara ölkəyə geri qayıtmaları ilə bağlı telefon zəngləri vasitəsilə öncədən məlumat veriləcək.
Fərid Mehdiyev