Xarici işlər nazirinin müavini Elnur Məmmədov Niderland Krallığına işgüzar səfəri çərçivəsində Niderland Xarici İşlər Nazirliyinin Siyasi məsələlər üzrə Baş Direktor müavini Erika Sxouten ilə görüşüb. Xanım Sxouten İrandakı səfirliyimizə qarşı törədilmiş silahlı hücum aktını pisləyərək, diplomatik nümayəndəliklərin təhlükəsizliyinin təminatının vacibliyini vurğulayıb. Daha sonra tərəflər bölgədəki vəziyyəti müzakirə ediblər. Hazırda Laçın yolu ilə bağlı vəziyyət haqqında məlumat verilərək Azərbaycan-Ermənistan normallaşma prosesi və Avropa İttifaqının buradakı rolu ətrafında fikir mübadiləsi aparılıb.
Nərgiz Camalzadə