2020-08-28 14:00

XİN Goranboyun Ballıqaya kəndində Ermənistanın silahlı qüvvələri tərəfindən dinc azərbaycanlılara qarşı törədilən qətliamın 28-ci ildönümü ilə əlaqədar bəyanat yayıb. Ballıqaya faciəsi nəticəsində aralarında 6 azyaşlı uşaq, o cümlədən 6 aylıq körpə və 93 yaşlı ahıl qadın da olmaqla, 24 nəfər azərbaycanlı mülki şəxs amansızlıqla qətlə yetirilib. 3 azyaşlı uşaq hər iki valideynini itirib. Azərbaycan bütün imkan və milli mexanizmlərdən istifadə etməklə, özünün mülki əhalisinə qarşı törədilən müharibə və insanlıq əleyhinə cinayətlərə adekvat hüquqi qiymətin verilməsi məqsədilə bütün zəruri addımları atmağa davam edəcək.

Nərgiz Camal