2021-04-26 12:04
Çernobıl faciəsindən zərər çəkən ölkələrlə və bütün insanlarla həmrəyliyimizi ifadə edirik. Xarici İşlər Nazirliyinin yaydığı açıqlamada Azərbaycanın Çernobıl qəzasının nəticələrinin azaldılmasında fəal iştirak etdiyi, hazırda təxminən 5000 nəfərin xəstəlikdən əziyyət çəkdiyi, qəzadan təsirlənən təxminən 2000 vətəndaşın vəfat etdiyi qeyd olunub. "Bu fəlakətin genişmiqyaslı təsiri sübut etdi ki, atom elektrik stansiyalarının təhlükəsizliyi yalnız yerləşdikləri dövlətləri deyil, potensial risklərdən zərər çəkə bilən ətraf ölkələri də narahat etməlidir. Bu çərçivədə, Ermənistandakı Metsamor AES ilə əlaqəli risklər beynəlxalq ictimaiyyət tərəfindən hərtərəfli şəkildə nəzərdən keçirilməlidir. Bu anım günündə, bütün müvafiq beynəlxalq təşkilatları, vətəndaş cəmiyyəti institutlarını Metsamorun bağlanması üçün səylərini səfərbər etməyə çağırırıq" - deyə açıqlamada bildirilir.
Fərid Mehdiyev