Xaçmazda “Opel” idarəetmədən çıxıb və yolun kənarındakı ağaclara çırpılıb. Nəticədə rayon sakinləri - 2001-ci il təvəllüdlü Ağayev Abgül Hünər oğlu, 2001-ci il təvəllüdlü Əlimirzəyev Bəhlul Bəxtiyar oğlu və 2002-ci il təvəllüdlü Həsənov Mehdi Əliheydər oğlu xəsarətlər alıblar. Onlar Rayon Mərkəzi Xəstəxanasına çatdırılıblar. Bakının Xətai rayonunda avtomobil yolu keçən 1985-ci il təvəllüdlü Hüseynov Elnur Mikayıl oğlunu vurub. Yaralı xəstəxanaya yerləşdirilib. Şirvanda isə “VAZ-2107” yolu keçən yerli sakin, 1959-cu il təvəllüdlü Mehdixan Süleymanovu və daha bir nəfəri vurub. Ağır xəsarət alna Süleymanov Şirvan xəstəxanasına çatdırılıb. Digər piyada yüngül xəsarət alıb.