Azərbaycanın Qarabağ iqtisadi rayonunda faydalı yataqların qanunsuz istismarı əleyhinə Xankəndi-Laçın yolunda keçirilən etiraz aksiyası on yeddi gündür davam edir. Etirazçılar həmişəki kimi bu səhəri də Azərbaycan Dövlət Himninin səsləndirilməsi ilə açıblar. Hazırda havanın şaxtalı olmasına baxmayaraq, ekofəallar yolun hər iki tərəfində, hərəkətə maneə törətmədən plakatlar qaldırıb, şüarlar səsləndirirlər. Həmçinin bu gün Şuşa-Xankəndi yolunda sülhməramlılara aid 2 ədəd təminat maşınının və Beynəlxalq Qızıl Xaç Cəmiyyətinə məxsus daha üç avtomobilin növbəti dəfə maneəsiz şəkildə hərəkət etməsinə şərait yaradılıb. Cəmiyyətin avtomobillərinin birində Ermənistana təxliyə edilən 3 nəfər erməni milliyyətli ağır xəstə olub.