Azərbaycanın teatr və kino aktyoru, Xalq artisti, Prezident təqaüdçüsü, Azərbaycan Dövlət Akademik Milli Dram Teatrının aparıcı səhnə ustası, Beynəlxalq Teatr festifallarının mükafatçısı Ramiz Novruz vəfat edib. Bu barədə onun yaxınları məlumat veriblər. Ramiz Novruzov 1955-ci il mayın 25-də Biləsuvarın Səmədabad qəsəbəsində doğulub. Teatr sənətindəki xidmətlərinə görə 1993-cü ildə Azərbaycanın Əməkdar artisti, 1998-ci ildə isə Xalq artisti fəxri adlarına layiq görülüb. Aktyor "Nizami" filmində Dərbənd elçisi, "Sizi dünyalar qədər sevirdim" filmində general Həzi Aslanov və s. rollara çəkilib. Ramiz Novruz həm də bir neçə pyes yazıb və bunlardan ikisi tamaşaya qoyulub. Allah rəhmət eləsin!
Fərid Mehdiyev