2020-10-28 11:05
Azərbaycan ordusu tarixinin ən şanlı və şərəfli qələbəsini qazanmaqdadır! Nəsillərdən bizə miras qalan ən ülvi hislərimizlə qələbə dəyərlərini gələcək nəsillərə daşıyırıq. Bunu Prezidentin köməkçisi - Prezident Administrasiyasının Hərbi məsələlər şöbəsinin müdiri Məhərrəm Əliyev deyib. "Azərbaycanlı nənənin nəvəsinə “Bala bircə dənə də olsa erməni tankı vurmasan geri gəlmə” deməsi, şəhid ana-atalarımızın “Vətən sağ olsun” deməsi, erməni terroru nəticəsində evləri dağıdılan mülki şəxslərin şanlı Ordumuzu “İrəli-Qələbəyə doğru” səsləmələri, körpə balalarımızın gözündəki qisas və qələbə əzmi milli kimliyimizi özümüzə xatırlatdı, məğrur və qalib millət olduğumuzu bütün dünyaya sübut etdi. Bu əzmin, ruh yüksəkliyinin, iradə və qətiyyətin qarşısında heç bir düşmən dayana bilməyəcək!".
Nərgiz Camal