2020-11-19 12:09

Abşeron rayonu Xırdalan şəhərində qurulan komendant postlarından birində Bakı sakini Ramin Babayev polis tərəfindən saxlanılıb. Onun üzərində elektron tərəzinin olması şübhə yaradıb. Bu səbəbdən şəxsin sərnişin kimi əyləşdiyi avtomobildə olan çantasına baxış keçirilib. Çantadan 1 kiloqram 200 qram heroin və 35 qrama yaxın metamfetamin aşkar olunaraq götürülüb. Babayev şəxsiyyəti məlum olmayan xarici ölkələrdən birinin vətəndaşı ilə sosial şəbəkələrdə tanış olduğunu və onun ölkəmizə göndərdiyi narkotiki satmaq məqsədi ilə əldə elədiyini etiraf edib. Faktla bağlı cinayət işi başlanılıb, şəxs tutularaq istintaqa təqdim olunub.

Vüsalə Camal