2020-10-27 17:06

Nəqliyyat, Rabitə və Yüksək Texnologiyalar Nazirliyi vətəndaşları fişinq kampaniyalar barədə xəbərdar edir. Kiberdələduzlar istifadəçilərə “WhatsApp” üzərindən məşhur şirkətlərin adından “spam” mesajlar göndərir, pulsuz məhsulların paylandığını bildirirlər. Hədiyyəni əldə etmək üçün istifadəçidən keçidə daxil olaraq anketi doldurması istənilir. Kiberhücumlardan qorunmanın ilk üsulu alınan hər mesaja şübhə ilə yanaşmaq, cəlbedici vədlərə aldanmamaq və məlumatın düzgünlüyünü yoxlamaqdır. Vətəndaşlardan xahiş olunur ki, bu kimi məlumatlar aldıqda, ilk öncə həmin müəssisə ilə əlaqə saxlayaraq və ya veb-brauzerdə açılan yeni səhifədə onun rəsmi saytına daxil olaraq məlumatın düzgünlüyündən əmin olsunlar.

Fərid Mehdiyev