Vətən müharibəsində iştirak edən 1560 nəfərə pensiya və təqaüd verilib
2020-12-25 18:02
Son bir ayda 4500-dən artıq şəhid ailəsi və qaziyə baş çəkilib, onlar sosial qayğı ilə əhatə olunub. ƏƏSM naziri Sahil Babayevin sözlərinə görə, bu il şəhid ailələrinə və müharibə əlillərinə 1500 mənzil və fərdi evin verilməsi nəzərdə tutulur və artıq böyük hissəsi verilib. Məhz elə bu gün ölkənin bir sıra rayonlarında daha 64 mənzil və fərdi ev həmin kateqoriyadan olan vətəndaşlara verilib. Bununla yanaşı, Vətən müharibəsində iştirak edən 1560 nəfərə pensiya və sosial təqaüdün təyin edilməsi artıq təmin edilib və bu iş davam etdirilir.
Nərgiz Camal