20 yaşadək voleybolçu qızlardan ibarət Azərbaycan millisi Litvanın Şaulyay şəhərində keçirilən Şərqi Avropa Voleybol Zonal Assosiasiyası çempionatında bu gün sonuncu oyununa çıxacaq. Şahin Çatmanın rəhbərlik etdiyi komanda Polşa ilə üz-üzə gələcək. Komandamız əvvəlki dörd oyunda Estoniya, Latviya, Ukrayna və Litvaya məğlub olub. Turnir AVRO-2024-ə seçmə xarakter daşıyır. Reqlamentə əsasən, çempion komanda qitə birinciliyinin final mərhələsində iştirak hüququ qazanacaq.

Vüsalə Cənnətova