Varşavada güləş üzrə Avropa çempionatının birinci yarış günündə sərbəst güləşçilər mübarizə aparıblar
2021-04-20 10:07
Varşavada güləş üzrə Avropa çempionatının birinci yarış günündə sərbəst güləşçilər mübarizə aparıblar. Milli komandamızın üzvü Turan Bayramov (70 kq) səkkizdəbir finalda Böyük Britaniya təmsilçisini üstələyib. Türkiyə güləşçisi ilə qarşılaşmada T.Bayramov hesabda 3:2 öndə olarkən, rəqib zədələndiyi üçün görüş saxlanılıb və həmyerlimiz yarımfinala yüksəlib. Güləşçimiz ukraynalı rəqibinə də gücünü göstərərək finalda iştirak hüququ qazanıb. Həlledici görüşdə həmyerlimizin rəqibi rusiyalı İsrail Kasumov olacaq. Final qarşılaşmaları bu gün Bakı vaxtı ilə saat 20-də başlayacaq.
Fərid Mehdiyev