2020-09-01 14:06

“Aqrolizinq”in Ağcabədi Regional Nümayəndəliyinin direktoru vəzifəsində işləmiş Zaur Məmmədovun qanunsuz hərəkətləri barədə ASC-dən daxil olan müraciət üzrə Baş prokuror yanında Korrupsiyaya qarşı Mübarizə Baş İdarəsində cinayət işi başlanıb. Zaur Məmmədovun 2018-ci ilin noyanrından 2019-cu ilin dekabrınadək direktoru olduğu nümayəndəliyin Ağcabədi ərazisində yerləşən anbarına satış üçün yığılan mineral gübrə və pestisidləri sənədləşmə aparmadan satmasına, ona etibar olunan 469 min 276 manat məbləğindəki əmlakı mənimsəməsinə əsaslı şübhələr müəyyən edilib. Məmmədov tutularaq, məhkəmənin qərarı ilə barəsində həbs qətimkan tədbiri seçilib.

Nərgiz Camal