2021-10-13 14:08

Son günlər DİN-nə vətəndaşlardan bank kartlarından pul oğurlanması, həmçinin “Whatsapp”la onlara bankların adından müraciətlərin və zənglərin edildiyi barədə şikayətlər daxil olub. Mütəşəkkil dəstənin başçısı Cahad Hüseynov, onun qardaşı Nicat, qohumu Fərman Hüseynzadə, eləcə də Xanna Əliyeva və Dilşad İsmayılova saxlanılıblar. Evlərinə baxış zamanı çoxlu sayda elektron sübutlar, vətəndaşlara göndərdikləri hazır mətn formaları, səs yazıları aşkarlanıb. Dəstə üzvlərinin istifadə etdikləri mobil telefon nömrələrinin heç biri onların öz adlarına olmayıb. DİN-yi vətəndaşlara bildirir ki, belə hallarla üzləşdikdə polis əməkdaşlarına, həmçinin Nazirliyin sosial şəbəkələrdəki rəsmi səhifələrinə dərhal məlumat versinlər.

Nərgiz camal