Bu gün UEFA Konfrans Liqasının qrup mərhələsində V turun oyunları keçiriləcək. 8 qrupda 16 matç oynanılacaq. Saat 20.45-də "Fiorentina" Türkiyə təmsilçisi "Başakşehir"i qəbul edəcək. Vilyarreal İspaniyada Hapoellə, Nitsa Fransada Partizanla üz-üzə gələcək.  Gecənin digər maraqlı qarşılaşmaları saat 23-də start götürəcək. Bir digər Türkiyə təmsilşisi Sivasspor doğma meydanda Rumıniya ÇFR-ni sınağa çəkəcək. Bu qrupun digər oyununda azarkeşlər Balkani Slaviya duelinə tamaşa edəcəklər. Vest Hem İngiltərədə Silkeborqla, Lex isə səfərdə Austriya ilə qarşılaşacaq.