2021-04-08 10:06

UEFA Çempionlar Liqasında 1/4 finalın daha iki oyunu başa çatıb. Fransa PSJ-si Almaniyada "Bavariya"nı 3:2 hesabı ilə məğlub edib. İngiltərənin "Çelsi" klubu İspaniyada baş tutan qarşılaşmada Portuqaliya "Portu"suna 2:0 hesabı ilə qalib gəlib. Bu komandalar arasında cavab qarşılaşmaları aprelin 14-də gerçəkləşəcək. İtaliya futbol çempionatının 3-cü turunun təxirə salınmış oyununda "Yuventus" "Napoli"ni 2:1 hesabı ilə məğlub edib. Futbol üzrə Türkiyə çempionatının 33-cü turu çərçivəsində “Beşiktaş” doğma meydanda “Alanyaspor”u qəbul edib. Meydan sahibləri qonaqların qapısından üç cavabsız top keçirib. Türkiyə Superliqasının turnir cədvəlinə 67 xalla elə “Beşiktaş” başçılıq edir. Sonra pillələrdə “Fənərbağça” və “Qalatasaray" qərarlaşıb.

Fərid Mehdiyev