Türkiyə Cümhuriyyətinin qurucusu Qazi Mustafa Kamal Atatürkün vəfatının 84-cü ildönümü ilə əlaqədar Türkiyənin Gəncədəki Baş Konsulluğunda anım mərasimi keçirilib. Tədbirdə diplomatik nümayəndəliyin əməkdaşları ilə yanaşı, Gəncə Şəhər İcra Hakimiyyətinin nümayəndələri, ziyalılar, bu şəhərdə təhsil alan türkiyəli tələbələr və iş adamları iştirak ediblər. Natiqlər Atatürkün həyatından söhbət açıb, onu rəhmətlə yad etdiklərini vurğulayıblar.