Azərbaycanın qeyri-neft sektoruna investisiya qoyanlar arasında Türkiyə birinci yerdədir. İqtisadiyyat nazirinin birinci müavini Elnur Əliyev qeyd edib ki, İqtisadiyyat Nazirliyi 5 minə yaxın Türkiyə şirkətinə Azərbaycanda rahat biznes mühiti yaradılması üçün dəstək olur. "Sevindirici haldır ki, Türkiyə şirkətləri Azərbaycanın işğaldan azad olunan ərazilərinin bərpa və yenidənqurma işlərinə böyük maraq göstərir və prosesdə yaxından iştirak edirlər", - deyə Elnur Əliyev sözlərinə əlavə edib.