Türk dünyasının mədəniyyət paytaxtı Şuşada il ərzində beynəlxalq tədbirlər keçiriləcək
“Şuşa şəhərinin 2023-cü il üçün “Türk dünyasının mədəniyyət paytaxtı” elan edilməsi ilə bağlı Tədbirlər Planı” təsdiq edilib. Bununla bağlı Baş nazir Əli Əsədov sərəncam imzalayıb. Tədbirlər Planına əsasən, gələn ay “Şuşa - Türk dünyasının mədəniyyət paytaxtı 2023” ilinin rəsmi açılışı olacaq. Şuşada “Xarıbülbül” VI Beynəlxalq Folklor Festivalı, “Qorqud Ata Türk Dünyası” Film Festivalı, beynəlxalq uşaq yaradıcılıq festivalı, Vaqif poeziya günləri və türk dünyası xalqlarının kulinariya günləri keçiriləcək. Həmçinin, Şuşa şəhərinin elektron xəritəsi və mobil tətbiqi hazırlanacaq.
Vüsalə Cənnətova